Dalaga na-‘gang rape’, tinodas ng kainuman

Patay ang isang 18 anyos na dalaga maka­raang pagtulungang ga­hasain at walang awang pinagpapalo sa ulo ng isang grupo ng mga  kala­lakihan kahapon ng uma­ga sa Las Piñas City.

Hubo’t hubad at na­liligo sa sariling dugo nang matagpuan ang bangkay ng biktimang si Jennifer Japson, out of school youth, ng Tabon 3-E, Barangay Aldana ng nabanggit na lungsod.

Batay sa imbes­ti­gas­ yon ni P03 Paul Diaz ng Criminal Investigation Division ng Las Piñas City Police, dakong alas-9 ng umaga nang matagpuan ang biktima sa isang aban­donadong bahay sa Cur­ban  St., Barangay Aldana.

Ayon sa isang Boy Istanari, nakakita sa bang­­kay ng biktima, dakong alas-3:00 ng madaling-araw nang una siyang nakarinig ng sigaw ng babae na humihingi ng saklolo mula sa nasabing abandonadong bahay.

Ngunit makalipas ang ilang minuto ay biglang tumahimik kung saan ay una umano nitong inakala na isang mag-asawa lamang ang nag-aaway.

Kinabukasan ay agad na tinungo umano ni Istaniari ang naturang bahay upang alamin ang naganap na ingay ngunit nang ito’y makapasok sa loob ay tumambad sa kaniyang harapan ang duguan, hubo’t hubad at wala nang buhay na kata­wan ng biktima.

Nabatid na huling nakitang buhay ang bik­tima dakong ala-1:30 nang madaling-araw at may bitbit na mga bote ng beer na binili sa tindahan na hindi kalayuan sa pi­nangyarihan ng insidente.

Sinabi pa ng isang pedicab driver na hindi binanggit ang pangalan na nakita din nito ang biktima na may kasa­mang apat na kalalakihan na nakainuman nito sa kanilang lugar bago ito natagpuang patay sa nasabing abandonadong bahay.

Sinabi pa ni P03 Diaz na kilala ng biktima ang mga salarin dahil ito ang mga naka-inuman nito bago natagpuang patay. (Rose Tamayo-Tesoro)