Cessna plane nag crash: 2 piloto sugatan

Dalawang piloto ang malubhang nasugatan matapos na mag-emer­gency landing ang sina­sak­yan nilang Cessna plane sa Diosdado Ma­capagal Boulevard sa Pasay City ilang minuto lang matapos na mag-take off sa Runway 1331 sa Manila Domestic Air­port kahapon ng hapon.

Nakilala ang   mga na­sugatan na  sina Capt. Raymundo dela Cruz at co-pilot nitong si Reynan Fontevilla na ginagamot na sa pinakamalapit na hospital.

Base sa inisyal na re­port ng Air Transportation Office, dakong alas-3:30 ng hapon nang maganap ang insidente sanhi ng pag­bagsak ng nasabing Cessna plane 172 na may body number RPC- 229 na pag-aari ng ATI company.

Kagagaling lamang ng naturang maliit na erop­lano sa hangar ng ATI sa Manila Domestic Airport patungong Plari­del, Bulacan nang maka­ra­nas ang mga piloto ng engine trouble.

Hindi pa gaanong na­kalalayo ang eroplano kaya napilitang mag-emer­gency landing ang mga ito hanggang sa su­madsad sa isang bakan­teng lugar sa dating Monterey at SLR building sa Macapagal Boulevard sanhi upang masira ang naturang eroplano.

Nagsasagawa pa ng imbestigasyon ang ATO hinggil sa nasabing pag­bagsak ng naturang private plane. (Ellen Fernando)