Buntis utas sa lover

Pinagbabaril hang­gang sa mapatay ang isang 27-anyos na  buntis ng kan­yang live-in partner dahil sa umano’y matin­ding selos ng huli ka­hapon ng hapon sa Port Area, Manila.

Namatay noon din ang biktima na nakilalang si Emi­lyn Manalo, re­si­dente ng Blk 9 Exten­sion Tam­bakan, Baseco Com­pound, sanhi ng tina­mong apat na bala ng baril sa kan­yang katawan.

Habang pinagha­ha­nap naman ang suspek na live-in-partner nito  na si Alyas Jordan Muslim.

Nabatid sa imbesti­gas­­yon ng pulisya, na­ganap ang insidente dakong alas-2 ng hapon sa loob ng ka­nilang bahay.

Nagkaroon umano ng ma­tinding pagtatalo sa pagi­tan ng maglive-in dahil sa umano’y matin­ding pag­seselos ng sus­pek at pag­dududa na hindi nito anak ang dala­wang buwang dina­dala sa loob ng sinapu­punan ng biktima.

Tinangka pa uma­nong lumaban ng biktima sa sus­pek dahil ng ma­tag­­puan ito ay may ha­wak pa itong kutsilyo sa kanyang kamay.

Nakuha sa loob ng bahay ng mag-live-in part­­ner ang isang holster ng .38 kalibre ng baril at kutsilyo.

Nabatid na tinangay ng suspek ang kanilang anak na nakilalang si Baby boy kulot, 2, sa isi­na­gawa nitong  pagtakas.

Nagsasagawa naman ng manhunt operation ang pulisya upang agad na ma­dakip ang suspek.