VAT sa gamot alisin

Hinamon ng isang grupo ng mga duktor ang mga kongresista na mag­palabas ng isang panukala na magtatanggal sa value added tax na ipinapataw sa mga gamot.

Ito, ayon sa mga medical practitioners, ay kung seryoso ang mga mam­babatas na humanap ng mga paraan para maibaba ang presyo ng mga gamot sa bansa.

Sa isang pulong-bali­taan sa Kapihan ng Bayan sa Quezon City, sinabi ni Dr. Minguita Padilla, representative ng Philippine Medical Association, na maraming mga paraan upang makabili ang mga Pilipino ng mga kailangang gamot sa iba’t ibang uri ng karamdaman at isa na dito ay ang pagtatanggal ng 12 percent VAT sa halaga ng  mga gamot sa bansa,

Nilinaw ni Padilla na ang kanilang grupo ay sumusuporta sa cheaper medicine bill na takdang aprubahan ng bicameral committee sa mga susu­nod na araw pero nana­na­tili silang tutol sa probisyon nito hinggil sa generic prescription.

Tutol anya ang mga mi­yembro ng PMA sa natu­rang probisyon dahil unfair ito sa mga medical practitioners.

Karamihan naman sa mga doktor ay tumatang­ging magreseta ng generic na gamot sa kanilang pasyente dahil hindi ito garantisadong makaka­galing sa pasyente.  (Angie dela Cruz)