Ex-convict tiklo sa panghoholdap

Isang ex-convict na miyem­bro ng “Sigue-Sigue Sputnik” gang ang bumagsak sa kala­ boso  makaraang dakpin ng pu­lisya dahil sa panunutok ng patalim at nangikil sa tatlong sibilyan sa bahagi ng L. Rivera St., Sta. Cruz, Maynila kama­ka­lawa ng gabi.

Kasa­lukuyang iniimbestigahan sa MPD-Station 3 (Sta. Cruz) ang sus­pek na si Isabelo “Benny” Pulido, 29, ng #17731 Old Antipolo St., Sta. Cruz, Manila, matapos ireklamo nina Ralph Endrapa, 29, driver ng #9 Roxas St., Filinvest II Batasan Hills, Quezon City; anak nitong si Rudolph, 9; at Rosemarie Cladio, 36, vendor ng #1731 Old Antipolo St., Sta. Cruz. 

Sa ulat na isinumite kay  P/Supt Romulo Sapitula, hepe ng MPD-Station 3, naglalakad ang mga biktima nang hara­ngin at holdapin ng suspek.

Tu­manggi si Ralph sa kagus­tuhan ng suspek, subalit pi­nagbalingan namang tutukan ng patalim si Rudolph  kaya tumakbo ang mga ito sa bahay ni Cladio pero sinundan sila hanggang sa makatawag ng pansin sa ilang kapit­bahay ang nasabing komosyon na nagresulta sa pagkaka­aresto sa suspek. (Grace Amargo- Dela Cruz)