Dalaga tinodas ng manliligaw

Pinaniniwalaang matin­ding selos ang isa sa da­hilan kaya napaslang ang isang 29-anyos na dalaga ng kanyang manliligaw sa Medina Com­pound sa Barangay Talon 4, Las Piñas City kamaka­lawa ng gabi.

Anim na tama ng pa­talim sa katawan at hindi na umabot pa ng buhay sa Las Piñas City Medical Center ang biktimang si Joy Pinero ng  Block 2, Lot 1, Seth St., Paraiso Subdivision ng na­banggit na barangay.

Kasalukuyan namang pinaghahanap ng pulisya ang suspek na kinilala lamang sa alyas na “Do­dong” na agad tumakas matapos ang krimen.

Lumilitaw sa imbesti­gas­ yon nina PO3 Eduardo Ro­daje II at PO3 Roland  Abra­ham ng Criminal In­vesti­gation Division, naitala ang krimen dakong alas-7:15 ng gabi habang nag­kukuwen­tuhan ang biktima at mga kaibigang sina Jeffrey Tijulan, Dennis Orcine at ilan pang mga kaibigan.

Napag-alamang nabigla ang ilang kaibigan ng bik­tima nang undayan ng sak­sak ng suspek ang dalaga saka mabilis na tumakas.

Agad namang isinugod nina Tijulan at Orcine ang biktima sa nabanggit na ospital subalit minalas na hindi na ito umabot pa ng buhay.

May  teorya naman ang ilang kaibigan ng dalaga na nanibugho ang isa sa mo­tibo ng pamamaslang dahil labis na atensiyon na ibini­bigay nito sa kanila kaysa sa suspek.