30 minuto iigsi ang biyahe ng LRT

Mababawasan ng 30 minuto ang oras ng operasyon ng Light Rail Transit simula Dis­yembre 24 at  31. Sinabi ni Land Rail Transit Authority (LRTA) Administrator Melquiades Robles na ang linya ng LRT-1 ay mahihinto ang operas­yon simula ng alas-9 ng gabi imbes sa da­ ting oras nitong alas-9:30 ng gabi sa mga na­bang­git na araw.

“Mas maaga umu­uwi ang tao kaya nor­mally 30 minutes earlier than usual, ang 9:30 magiging 9 p.m. sa 24 at 31 ng Dis­yembre,” ayon kay Robles.

Hindi naman nili­naw ni Robles kung ang pinaikling oras ng operasyon ay gagawin din sa LRT line 2 na sumasakop sa Que­zon City, Pasig, Mari­kina, San Juan at Manila.

Inamin naman ni Robles na ang LRT-1 ay kinakailangang ipa­gawa at itaas ang antas partikular ang isang couches ay na­sira ang brakes locked kamakailan lamang. Dahil sa insidente ay natigil ang LRT-1 ope­ration ngunit ito ay nagawa na nito pang nakaraang Huwebes ng gabi.

“Ang LRT-1 pinaka­matandang light rail system sa Asya,”  pa­hayag pa ni Robles. Ang LRT-1 ay ginawa noon pang 1984. (Angie dela Cruz at Lordeth Bonilla)