Illegal recruiter timbog ng NBI

Isang illegal recruiter ang naaresto  ng mga ahente ng Na­­tional  Bureau of Investi­gation (NBI) matapos gawin nitong pros­titute ang mga Pili­pinang nag­tutungo sa Malay­sia sa isi­na­gawang  entrap­ment  operation.

Kinilala ni NBI Director  Nestor Mantaring ang na­ares­tong suspek na si Evan­geline Cruz Manapsal, alyas “Gemma”, 37-anyos at resi­dente ng  57 Balingasa  St., Balintawak,QC.

Kasamang naaresto  ni  Manapsal ang kapatid nitong si Arlene Lucio na siyang sumu­sundo ng mga iniha­hatid  na Pili­pina sa Malaysia at siyang contact sa naturang  bansa.

Samantala, tinutugis naman  ng mga  ahente  ng  NBI Anti-Human Trafficking  Di­vi­sion (AHTRAD) ang tat­lo pang sus­pek na may alyas   na “Achung”, “Tommy” at “Atchuan” na  kapwa  resi­dente ng  Malay­sia pero pa­balik-balik  sa  bansa.

Nalaman  sa reklamo  ni Rachel Macaranas ni-recruit umano siya  ni Manapsal para  magtrabaho  bilang enter­tainer  sa  Malaysia at   maka­ka­tang­gap umano siya ng  sahod  na P4,500 hanggang P6,500 kada   araw na  kita.

Si  Manapsal  umano ang  nag-ayos  ng mga  travel docu­ment ni Macaranas at maka­lipas  ang anim na buwan ay  ipi­nabatid  sa kanya ni Manapsal na sa Disyembre 14 na ang  kan­yang alis patu­ngong Malaysia.

Gayunman, hindi natuloy ang pagbiyahe ni Macaranas  sa   Malaysia matapos  duma­ting  ang kanyang kapatid na ni-recruit din ni Manapsal noong  nakalipas  na taon para  magtra­baho sa Malaysia kung saan  sinabi nito  na  siya ay  ginawang  sex slave at  na­katakas lamang  siya  kasama ang  ilan pang ni-recruit.

Kaagad  ipinaalam ni  Ma­ca­ranas  sa NBI  ang  nangyari sa   kanyang  kapatid na  nag­plano ng isang  entrapment  operation at   naaresto ang  suspek.

Nahaharap  ngayon   sa  ka­song  paglabag sa  RA9208 (Anti-trafficking  person ACT), paglabag  sa RA8042 migra­tion  act  at  estafa ang mga suspek.