Kelot kritikal sa masamang tingin

Nasa kritikal na kalagayan ngayon ang isang lalaki ma­tapos na ito ay saksakin ng dalawang beses sa kanyang dibdib ng kapwa pasahero sa jeep ng mapagtripan umano ito dahil sa sama nitong tumi­ngin, kamakalawa ng hapon sa Marikina City 

Kinilala ni P/Supt. Sotero Ramos ang biktimang si Ramil Cariaga, 20, binata at nakatira sa C.M. Recto st., Brgy. Pa­rang, na ngayon ay nilalapa­tan ng lunas sa Amang Rodriguez Medical Center.

Naaresto naman ang tatlong  suspek na sina Ronald Galucer, 20; Enante Romero, 21, kapwa ng Ba­ tasan Road, Quezon City at Arthur Baclera, ng Phase-1, Brgy. Fortune, lungsod ng Marikina.

Sa ulat, dakong alas-5:20 ng hapon ng maganap ang pana­naksak sa kahabaan ng B.G. Molina St., habang sakay ang biktima at mga suspek ng pampasaherong dyip ng mag­katitigan ang biktima at ang mga suspek.

Dahil dito agad na bumu­not ng patalim ang isa sa mga suspek at inundayan ng dala­wang saksak sa dibdib ang biktima at pagkatapos ay mabilis na nagsibaba ng dyip ang mga ito upang tumakas.

Agad namang naaresto ng mga rumispondeng kagawad ng puilsya ang tatlo habang ma­bilis namang naisugod sa nasabing pagamutan ang bik­tima na ngayon ay nasa ma­lubhang kalagayan. (Edwin Balasa)