‘Fixer’ ng grades timbog

Isang sinasabing taga-ayos upang maipasa ang mga grades kapalit ng pera sa isang unibersidad sa Valenzuela City ang na­aresto sa isang entrapment kahapon ng umaga.

Nakapiit habang iniha­handa ang kaukulang kasong isa­sampa laban kay Reynaldo Velarde, 59, ng A. De Gula Compound, Bgy. Gen. T. De Leon na­banggit na lungsod.

Sa pahayag ng nagre­reklamong itinago sa pangalang “JayAr”, 22, nursing student sa Our Lady of Fatima University sa Valenzuela City, hini­ngan siya ng suspek ng P27,000 dahil bagsak umano siya sa sub­ject na 104 sa kanyang kurso. Ibibigay umano ang pera sa professor ng bik­tima. Dahil gustong maka­pasa ay napilitan magbigay si JayAr kapalit ng inaasam na pagpasa sa klase.

Laking pagta­taka ng biktima ng kunin nito ang kanyang class card ay bag­sak pa rin siya sa nasabing subject. Dahil dito, humingi ng tulong sa pulisya ang bik­tima kung saan nagsa­gawa ng entrapment ope­ration ang mga ito at nag­kunwari si Jay-Ar na mag­dadagdag ng bayad sa suspek upang maayos ang kanyang grade.

Nang tanggapin ng suspek ang inaabot na P5,000 ng bik­tima sa loob ng nasabing unibersidad ay hindi na ito nakapalag pa sa mga uma­restong pulis. (Lordeth Bonilla)