Kaso ibinabala ng NCRPO

Binalaan ni Police Chief Supt. Geary Barias, hepe ng Na­ tional Capital Region Police Office (NCRPO) ang grupo ng mga negos­yanteng magsa­sa­gawa ng kanilang independent investiga­tions sa Glo­rietta 2 blast.

Ayon kay Barias na kinakailangan sumunod umano sa protocol ang nasabing independent investigating body na binubuo ng mga negos­yante dahil maaaring ma­kasuhan ang mga ito sa korte.

Sinabi pa ni Barias na may mga patakaran o alituntunin na masusing ipinapatupad sa pag-kulekta ng mga ebiden­siya partikular na sa nasabing insidente na dito 11 mga inosenteng si­­bil­yan ang nasawi at malubhang pagkasugat pa ng mahigit 100 noong Oktubre  19 sa Makati  City.

Maari rin umanong kuwestiyunin sa korte ang anumang ilalabas na resulta ng gagawing imbestigasyon ng na­sabing grupo.

Samantala, ini­ ha­yag naman ni Barias na bago ang Disyembre ay maisasa-publiko na nila ang kanilang offi­cial at final findings hing­gil sa nasabing pagsabog sa G2 mall. (Rose Tamayo-Tesoro)