Sunog dahil sa kandila, 25 pamilya nawalan ng tirahan

Umaabot sa 25 pamilya ang nawalan ng tirahan maka­raang matupok ng apoy ang kanilang lugar dahil sa umano’y napabayaang kan­dila, kamakalawa ng gabi sa Marikina City.

Ayon kay Chief Inspector Antonio Razal, hepe ng Bu­reau of Fire Department ng Ma­ri­kina City, natupok ng apoy ang mga kabahayan na kara­ni­wang yari sa kahoy sa Blk.74 at 75 Ver­ gara Compound, Brgy. Tu­mana ng lungsod na ito.

Nagsimula ang sunog dakong alas-7:30 ng gabi sa ikalawang palapag ng bahay ng isang Boy Calilap.

Nabatid sa saksing si Jimmy Saquez na laking gulat nila ng makita na malaki na ang apoy sa ikalawang pa­lapag ng bahay ni Calilap.  

Dahil sa bilis ng pagkalat ng apoy sa mga kalapit-bahay ay natagalan ang mga bum­bero na masawata ito bago idineklarang fire under control dakong alas-10:25 ng gabi at umabot sa ikatlong alarma.  

Nagkaroon ng bahagyang tension matapos akalain ng mga kapitbahay na naiwan sa loob ng nasusunog na bahay ang dalawang anak na maliit na siyang natirang tao doon dahil wala ang mag-asawang Calilap ng maganap ang sunog.

Subalit makalipas ang may isang oras ay isang nagmala­sakit na kapitbahay pala ang nagligtas sa dalawang bata bago pa man lumaki ang apoy sa kanilang bahay.

Sa inisyal na imbestigas­yon ng Bureau of Fire, posib­leng ang sanhi ng sunog ay ang naiwanang kandila sa itaas ng bahay na posibleng na­tumba. (Edwin Balasa)