Dalaga pinilahan ng 7

Masaklap na karanasan ang sinapit ng isang magan­dang bagong graduate na dalaga matapos halinhinang halayin ng 7 lalake  sa lungsod Caloocan na iniulat kahapon.

Halos hindi makapagsalita sa tindi ng sakit nang mag­tungo kasama ang kanyang mga magulang sa tanggapan ng Womens and Children’s Concerned Desk (WCCD) ng Caloocan-PNP, ang biktimang itinago sa pangalang Carol, 18, com­puter science graduate upang pormal na ireklamo ang pitong suspek na humalay sa kanya, dalawa sa mga ito ay na­kilala sa mga alyas King at Bryan, na kapwa naninirahan sa Kaunlaran Village, Caloocan City.

Sa salaysay ng biktima, naganap ang gang-rape sa pagitan ng ala-1 hanggang alas-2 ng madaling-araw sa bahay ng suspek na si King at Bryan .

Ayon sa biktima, inaya siya ng kakilalang si Noli sa bahay ng suspek upang magkasiya­han at dahil kapitbahay lang at para hindi mapagsabihang suplada ay  nagpaunlak siya ka­sama ang isa pang kaibigang dalaga na si Natalia.

Pagdating sa bahay ng sus­pek na sina King at Bryan ay na­datnan nila ang lima pang mga kalalakihan na nag-iinuman at makatapos kumain ay nagka­ya­yaan na umanong mag-inuman ang grupo.

Makalipas ang ilang san­daling inuman ay nakaramdam ng pagkahilo ang biktima at nagdilim ang kanyang paningin hanggang sa mawalan ito ng lakas at maramdaman na lamang ng dalaga na halin­hinan na siyang pinagsasa­man­talahan  ng pitong ka­inuman. (Lordeth Bonilla)