Tsinay na lumutang sa Manila Bay, kilala na

Matapos  ang  mahigit  da­la­wang  buwan paghahanap  sa kanyang kapatid na  nawa­wala  kinumpirma  ng isang  Chinese  national  na   kapatid  niya ang babaeng Intsik na  na­tag­puang  patay at naka­lu­tang  sa Manila Bay noong Agosto 21, 2007 sa Ermita, Maynila.   

Kinilala  kahapon ni Irlen Kho, 39, dalaga, Chinese na­tional, accounting supervisor at residente ng 401 Ayson Bldg., 627 Carval St., Binondo,  Manila ang bangkay ng  ka­patid nito na nasa Popular Funeral Homes na si Helen  Kho, 46.

Si  Helen ay unang inire­port na natagpuang nakalu­tang sa Manila Bay  pero  walang nakitang pagkakaki­lan­lan dakong 6:30 ng umaga sa  Decesion T-Bar sa Roxas Blvd., malapit sa kanto ng Sinagoga St., Ermita noong Agosto 21, 2007.       

Sinabi  ni  Irlen sa pulisya, huli nitong nakitang buhay ang kapatid dakong  9:15 ng gabi noong Agosto 20 matapos silang nag-away dahil sa trabaho   sa loob ng kanilang bahay. Naglayas  ang biktima at hindi na ito nakita pag­ka­tapos  nilang mag-away  na  magkapatid.  

Ayon  kay  Irlen kung saan-saan na niya hinanap  ang ka­patid pero hindi niya ito ma­tagpuan hanggang sa napag­pasyahan niyang magtungo sa mga morgue kung saan sinabihan ito na magreport sa tanggapan ng MPD na nag­resulta sa pagkakahanap nito sa nawawalang kapatid.

Inamin pa ni Irlen na ma­hina ang pag-iisip ng kapatid nito at tatlong beses na umano itong nagtatangkang lumayas at ang una ay noong Hulyo 2005 subalit bumalik din ito sa kanilang bahay. Bukod  dito nag­babanta rin umano ang biktima na magpapaka­ lunod  subalit hindi rin niya umano nito ginagawa. (Doris Franche)