Ama todas sa pag-awat  sa nakikipagrambol na anak

Patay ang isang lalaki ma­karaang masaksak ito ng tang­kaing awatin ang anak na na­sangkot sa isang rambol ka­hapon ng madaling-araw sa Pasig City.

Dead on arrival sa Rizal Medical Center sanhi ng isang saksak sa kaliwang dibdib ang biktimang si Eduardo Masbate, 43, pintor, residente ng #9 Villa Roas st. Brgy. Sto. Tomas nasabing lungsod.

Naaresto naman ang pitong suspek na naka­laban ng grupo ng anak ng biktima, ilan sa mga ito ay kinilalang sina Ronnel Talip, 19; Edmon Mendoza, 19; John Fernandez, 18, at apat pang nasa edad 15 hanggang 17-anyos.

Ayon sa ulat ni PO2 Norman Barcellano, dakong alas-12:30 ng madaling-araw nang maka­sagupa ng grupo ng mga suspek ang grupo ng anak ng biktima na sinasabing 16-anyos lamang sa kahabaan ng bagong Taon st., Brgy. Sto. Tomas.

Tinangkang pumagitna ng biktima para umawat sa mga nagkakagulong kabataan sa takot na mapahamak ang kan­yang anak subalit siya naman ang pinagbalingan ng isa sa mga suspek at sinaksak ito.

Matapos ang insidente ay agad na nagsitakas ang magka­bilang grupo ngunit naaresto sa ginawang follow-up operations ang mga nasabing kabataan.

Wala namang umamin sa mga suspek kung sino ang naka­ saksak sa biktima kaya ang mga ito ay kasalukuyang pinipigil sa Pasig City detention cell habang iniimbestigahan. (Edwin Balasa)