BFAD  nagbabala laban sa mga imported products na may formaldehyde

Nagpalabas  ng  advi­sory ang Bureau of Food and Drugs (BFAD) laban  sa mga imported products  mula sa China  kabilang na ang candy  at mga  lun­cheon meat products  na may formaldehyde.

Batay sa advisory  ng BFAD inutos din nito ang pag­bawi  sa 11 produktong mula sa China sa mga  tin­dahan at pamilihan sa bansa.

Ayon kay BFAD director Leticia Barbara Gutierrez, nagpalabas na rin  sila ng  direktiba sa mga importer at distributor  ng mga nasa­bing produkto  na ipabawi na ang mga  sinu-supply  sa mga supermarket.

Kabilang  sa mga pro­dukto ay ang  Fat and Thin Lo Han Kou Pei Pa Koa candy (importer Hua San Wan Foodmart Inc., Super­value Inc., SM City Ca­ga­yan);  Sau Tab Noodle King Dried Mix, Soya Bean Paste (Sun Shun Fuk Foods Co., Ltd., importer Jeegs Ace Teamwork Inc., Metro Ayala Center Super­market); Taro Milk (Nature & Nutrition & Healthy De­licious and Incomparable!) (Huajia Foods Co. Ltd., Jin­jiang City, ng  Metro Legaspi Supermarket);  Natural is Best 200 (importer Super­value Inc., SM City Caga­yan);  Wang Fu Yuan The Best For You 120 (Hong Kong Liangshi Food Co. Ltd., Wanfu Food Factory; importer Unite General Merchandise).

Golden Monkey Milk Candy (Shanghai Golden Monkey Food Co. Ltd., im­porter Unity General Mer­chandise);  Xinlong Nougat Candy (Xinlong Food Co. Ltd., Zhongshan City, im­porter Unity General Mer­chandise);  Aoxiang (im­porter Coen General Mer­chan­­dise); Sheng Long Marshmallow/Bunny Marsh­mallow (Zhongshan Kunbo Foodstuff Import & Export Corp., importer Coen General Merchan­dise);  Maleng pork lun­cheon meat (Chongqing Winsun Food­ stuff Co. Ltd., importer JRY Mart);  at  Nice­foods Sweet Orange C% (importer Ca­mellia Food Manufacturing). (Doris Franche)