2-M Marcos loyalists magmamartsa

Magmamartsa sa lansa­ngan ang may dalawang mil­yong mi­yem­bro ng True Mar­cos Lo­yalists, sa pangu­nguna ni Cherry Cobarru­bias   para ipanawagan ang   pagreresign ni Pangulong Gloria Maca­pagal Arroyo.

Sa isinagawang exclu­sive interview ng STAR, sinabi ni Cobarrubias na inaalis na ng Marcos Lo­yalists  ang kanilang su­porta kay Pangulong Arroyo dahil na rin sa serye ng ano­malya na kinasasangkutan ng pamahalaan nito, ka­bilang din dito ang kanyang asawang si FG Mike Arroyo at ilang miyembro ng Ga­binete.

“Magmamartsa kami sa mga lansangan para ipana­wa­gan ang pag-alis sa puwesto ng Pangulo. Nani­niwala kami na nawala na ang moral ascendancy ng Pa­ngu­lo na pangunahan ang ban­sa,” pahayag pa ni Cobarrubias.

Si Cobarrubias, ay da­ting tagapagsalita ni Mrs. Imelda Marcos ay nag­sabing  “Mrs. Arroyo must overhaul her soul”.

Hindi umano sila uupo la­mang at magre-relax at pa­noorin ang Pangulo sa pagsi­sinunga­ling nito sa mga tao.

Ilang ulit na umanong gi­nawa ng Pangulo at mga alyansa nito sa Malacañang na yurakan ang dignidad ng mga Filipino. Mabibigyan umano ni GMA ng dignidad ang mga Pinoy sa pama­magitan nang pagre-resign nito.

Sinusuportahan umano nila ang panawagan ni Senator Kiko Pangilinan na magresign ang Pangulo at ipalit si Vice-Presi­dent Noli de Castro.

Magugunitang halos hindi na makagulapay ang adminis­tras­yong Arroyo sa mga kinasasang­kutang ano­malya, mula sa multi-million ZTE deal, ang su­hulan at ngayon nga ay ang pamumud­mod ng cash gift sa mga Kongre­sista at local officials na inim­bi­tahan sa Mala­cañang kama­kailan.