Binata sinaniban: Ama, ina, 3 utol pinagtataga

Isang pamilya na kina­bibilangan ng lima katao ang nasa kritikal na kon­disyon matapos na pagta­tagain ang mga ito ng isa sa kanilang kapamilya na umano’y sinaniban ng ma­samang espiritu ka­hapon ng madaling-araw sa Ca­loocan City.

Kinilala ang mga bik­tima na inoobserbahan sa FEU General Hospital sanhi ng mga tinamong taga sa kani-kanilang ka­tawan at ulo na sina Eleuterio Totanes, 52; ang misis nitong si  Eliza­beth, 45; mga anak nilang sina Eloiza, 28; Louis, 22, at Mariel Liz, 18, pawang residente ng Block 48, Lot 18 Buenamar Street, Ca­pitol Park Homes II. Brgy. 178, Camarin ng nabang­git na lungsod.

Agad namang nadakip  ang suspect na si Ale­jan­dro Totanes, 20, anak din nina Eleuterio at Eliza­beth.

Ayon sa report, da­kong alas-2:50 ng mada­ling-araw nang maganap ang in­ sidente sa loob ng bahay ng pamilya Totanes sa na­sabing lugar habang ma­himbing na natutulog ang pamilya Totanes at sa hindi malamang kadahila­nan ay bigla na lamang pinagtataga ng suspek. Unang sinalakay ng sus­pect ang kanyang mga magulang at saka isinu­nod ang tatlo niyang ka­patid at ang pinagrabe ay si  Mariel Liz.

Sa kabila ng mga tina­mong sugat ay nakuha pang makipag-agawan ni Eleuterio sa jungle bolo ng anak at sa  tulong ng ilang mga kapitbahay at guwar­diyang si Wilmer Galvan Jimenez, 21, ay tuluyang na­disarmahan  ang sus­pect at dinala sa himpilan ng Sub-Station (SS) 4 ng Ca­lo­ocan-PNP. Kaagad na­mang isinugod ang mga bik­tima sa nasabing paga­mutan. (Lordeth Bonilla)