Mag-asawang trader todas sa holdap

Patay ang mag-asa­wang negosyante maka­ra­­ang pagbabarilin ito ng dalawang hindi pa kila­lang kalalakihan na naka­sakay sa motorsiklo na nanghol­dap sa  mga ito,  kamaka­lawa ng gabi sa Manda­luyong City.

Idineklarang dead-on- arrival sa Mandaluyong Medical Center sanhi ng tinamong tama ng bala sa iba’t ibang bahagi ng ka­tawan ang mga bik­ti­mang sina Renato Ro­sarial, 35, at asawa nitong si Ma­rina, 40, may-ari ng isang pawn­shop at residente ng Coronado Heights Brgy. Barangka Ibaba ng lung­sod na ito.

Samantala agad na tumakas ang mga hindi pa kilalang suspek ma­tapos makuha ang isang belt bag na umanoy pinagla­lagyan ng ha­lagang P400,000 na ga­mit sa kanilang negosyo.

Ayon kay Sr. Supt. Ericson Velasquez, hepe ng Mandaluyong police, naganap ang insidente dakong alas-8:40 ng gabi sa kahabaan ng Mabini St., Brgy. Mabini ng na­sabing lungsod.

Nabatid na sakay ng kanilang motorsiklo na may plakang ZM-9521 ang mga biktima pauwi sa kanilang bahay at pag­sapit sa ma­dilim na ba­hagi ng lugar ay bigla na lang sumulpot ang mga suspek sakay din ng motorsiklo at mala­pitang pi­nagbabaril ang mag asawa.

Matapos ang pama­ma­­ril ay agad na kinuha ng isa sa mga suspek ang belt bag na naka­suot sa lalaking biktima bago mabilis na tu­makas.

Isang masusing im­bes­­ti­gasyon naman ang isina­sa­gawa ng Manda­luyong po­lice para sa posibleng pag­kakakilala sa mga sus­pek at pag-aresto sa mga ito.