Pump station ok sa LTFRB

Sinusuportahan ng pamunuan ng Land Trans­portation Franchising Regulatory Board ang kahi­lingan ng transport operators na makabili ng diesel sa ­mababang halaga lamang, partikular ng mga pam­pasaherong jeep at bus na may ruta sa Metro Manila at lalawigan.

Ito ay sa pamamagitan ng pagka­karoon ng mga karagdagang gasoline station na nagbibigay ng discount na P1.00 sa mga pampa­saherong sasakyan upang hindi na humingi ng dagdag na pasahe ang mga transport operators sa LTFRB.

Sinabi ni LTFRB Chairman Thompson Lantion na sa ganitong paraan hindi na hihingi ng fare increase ang mga public utility vehicles at hindi na magka­karoon pa ng pagtataas sa singil sa pasahe sa jeep, bus at taxi. (Angie dela Cruz)