Holdaper ng parak, timbog

Minalas ang isang hol­daper matapos na bikti­ma­hin nito ang isang pulis kung kaya’t sa kulu­ngan ito bumagsak kama­ka­lawa ng gabi sa Tondo, Maynila. Nakilala ang sus­pect na si  Sonny Arces at ang kan­ yang biniktima ay si PO1 Mark Joseph Ver­gara, 22, nakatalaga sa RSHU, National Capital Regional Police Office sa Bicutan, Taguig City. Na­ba­tid na na­aresto ang sus­pect da­kong alas-10 ng gabi sa kanto ng Her­mosa at Jose Abad Santos Sts., Tondo.

Napag-alaman na nag­lalakad umano sa natu­rang lugar ang pulis  nang lapitan siya ng suspect na armado ng kalibre .38 at nagdeklara ng holdap. Ngunit nang ma­kita ang posas sa liku­ran ni Vergara at matanto na pulis ang kanyang bini­biktima ay bigla umanong nataranta ang suspect kaya nagbu­not ito ng ha­wak niyang baril at tinang­kang barilin ang parak  subalit hindi ito pumutok kung kaya ma­bilis na tu­makas. Gayun­man na­dakip din ito ng mga nag­pa­patrulyang ta­uhan ng pulisya. (Grace dela Cruz)