P25-M halaga ng shabu nasamsam

Nalansag ng National Capital Region Police Office (NCRPO) ang malaking sindikato ng droga makaraang maaresto ang da­lawa katao kabilang ang isang Tsinoy sa ginawang buy-bust operation kung saan nakuha sa mga ito ang tinatayang 10 kilo ng high grade shabu na nagka­kahalaga ng P25 milyon noong Martes sa Parañaque City.

Kahapon ay iprinisenta sa media sa NCRPO Headquarters sa Camp Bicutan, Taguig ang mga suspek na sina Ang Ahua 47, ng Ongpin St. Binondo at Salik Sangote 21, ng Arlegui St. sa Quiapo, Maynila.

Ayon kay NCRPO chief De­puty Director Reynaldo Varilla, ang mga suspek ay kabilang sa “Binondo-Quiapo Connection”, isang malaking sindikato sa pagbebenta ng shabu.

Dagdag pa ni Varilla na sa mga susunod na araw ay ma­rami pang malalaglag na mga ka­samahan nito dahil sa ka­nilang gagawing follow-up ope­ra­tions. Ayon kay Supt. Napo­leon Villegas, hepe ng investi­gation and operating unit ng NCRPO, ang pagkakadakip sa mga suspek ay  bahagi ng gina­wang follow-up operation sa pag­kakaaresto ng dalawa pang miyembro ng sindikato na sina Chua Liong at Marlon Angote noong Setyembre  6 sa Maynila, ang mga ito ay nakuhanan ng 2 kilo ng shabu.

Matapos ang ginawang inte­rogasyon sa mga naunang sus­pek ay nagsagawa ng operas­yon ang NCRPO nitong Setyem­bre 25 ng gabi sa harapan ng isang spa sa NAIA Road sa Parañaque City matapos na kumagat sa isang drug deal ang nasabing sindikato.

Matapos ang palitan ng P25 milyon halaga ng pera na dala ng isang pulis na nagpanggap na posseur buyer at 10 kilo ng shabu ay isinagawa ang pag-aresto sa dalawa na hindi na nakuha pang makatakas.