‘Rapist’ na ama kalaboso

Rehas na bakal ang binag­sakan ng isang 41-anyos na ama makaraang ireklamo ng panghahalay sa sariling anak sa Tondo, Maynila kamaka­lawa.

Ang suspek na nakilalang si Salvador Cruz ng Area A, Gate 20, Parola Compound ay nakadetine ngayon sa Manila Police District-Station 1 mata­pos ireklamo ng sariling anak na babae ng kasong rape.

Nabatid na nagreklamo ang 18-anyos na biktima sa pulisya kasama ang isang kinatawan ng Department of Social Welfare and Development (DSWD) dahil sa ilang ulit na pang-aabuso sa kanya ng suspek at ang pinakahuling insidente ay naganap noong Sabado ng Setyembre 15 ng gabi sa loob ng kanilang tahanan.

Kaagad namang nagsa­gawa ng follow-up operation ang mga awtoridad sa pangu­nguna ni P/Insp. Arnulfo Gem­paso ng Delpan Police Community Precinct na nagresulta sa pagkakadakip sa suspek sa loob mismo ng kanilang bahay. (Grace dela Cruz)