La Salle stude tumalon mula 18th flr.

Tumalon mula sa ika-18 palapag ng isang gusali ng Kassel Con­do­minium sa Malate, Manila  ang isang 19-anyos na Business Management student ng De La Salle Univer­sity sa Malate, Maynila kamakalawa ng gabi.

Ang biktima ay kini­lala na si Wilfredo To­nog­banua, nanunulu­yan sa Room 1805 ng naturang condo­ mi­nium na nasa panulu­kan ng Taft Avenue at P. Ocampo St.

Sinasabi ng ilang guwardiya ng gusali na, bandang alas-6 ng gabi, biglang nawalan ng kuryente bago sila nakarinig ng malakas na pagbagsak ng isang bagay sa kanilang harapan.

Nang usisain nila ang bagay na bumag­sak ay nakita nila ang katawan ng biktima na nakahadusay sa se­mento.

Lapnos umano ang harapang bahagi ng katawan ng biktima na hinihinalang bunga ng pagkakakuryente nito.

Ito rin ang dahilan kung bakit nawalan ng kuryente ang gusali dahil tumama ang ka­ta­wan ng biktima sa linya ng kuryente na na­unang sumabit bago bu­magsak sa semento.

Tumangging mag­bigay ng anumang im­pormasyon ang mga ka­anak ng biktima hing­gil sa hinihinalang pag­pa­pakamatay nito.