Parak itinumba sa party

Nasawi ang isang pulis matapos itong tambangan ng apat na hindi nakikila­lang armadong kalalakihan habang ito ay nakikipag-inuman sa isang birthday party kamakalawa ng gabi sa lungsod ng Malabon.

Nakilala ang nasawi na si PO3 Ludgardo Niedo, 46, taga Gozon Compound, Letre ng nabanggit na siyu­dad, nakatalaga sa Kampo Crame, nagtamo ito ng tama ng bala sa ulo buhat sa kalibre.45 baril.

Isang follow-up opera­tion naman ang isinasa­gawa ng mga kagawad ng Malabon City-PNP laban sa apat na suspek, na kaagad na nagsitakas matapos isagawa ang krimen.

Lumalabas sa pagsisi­ya­sat ni PO3 Bobby Mario Egera, naganap ang insi­dente dakong- alas 8:20 ng gabi sa isang bakenteng lote, sa may Paradise Vil­lage, Letre, Brgy. Tonsuya, Malabon City.

Nabatid na kasaluku­yang nakikipag-inuman ang biktima sa birthday ng isang kaibigan nito, nang duma­ting ang mga suspek  na pa­wang mga armado ng kalibre .45 baril at walang sabi-sabing nilapitan at saka pinaputukan ng mga ito ang biktima. (Lordeth Bonilla)