Pag block sa mga pornographic site sa internet sa Marikina iniutos

Upang hindi luma­ganap ang krimen laban sa mga kababa­ihan at para maiwasan na rin ang prostitusyon ay binigyan suporta ng pamahaaang lungsod ng Marikina ang panu­kala ni 1st District Rep. Marcy Teodoro na tang­galin sa mga internet café sa lunsod ang mga pornographic site. Sinabi pa ng alkalde na maga­gawa ito sa bisa ng  City Ordinance 044, Series of 2006, na nagre-“regulate” sa mga establishment at operators ng mga com­puter shop at nagba­bawal sa mga porno­graphic Web sites sa lahat ng internet cafés sa siyudad.

Pinuna niya na mga estudyante ang  kada­la­sang gumagamit ng mga internet café kaya ang mga estudyante rin ang siguradong magi­ging biktima ng mga ganitong klase ng ka­laswaan.

Dahil dito, bumuo na ang pamahalaang lung­sod ng isang monitoring team na iikot sa mga internet café. (Edwin Balasa)