Bebot na manager ng fast food, patay sa holdap

Nasawi  ang isang babaeng manager ng isang fast food chain habang sugatan rin ang kasintahan nito maka­raang pagsasaksakin ng isa sa tatlong hol­daper na nambiktima sa kanila sa loob ng isang pampasaherong jeep, kamakalawa ng gabi sa Quezon City.

Hindi na umabot ng buhay sa Novaliches Ge­­neral Hospital ang biktimang nakilalang si Arlene Rapada, 24, da­laga, residente ng San Jose del Monte, Bula­can habang nailigtas naman sa kapahama­kan ang kasintahan nito na si John Kirby Basilio, 27.

Sa ulat ni PO3 Jo­seph Diño, ng QCPD-Criminal Investi­gation Unit, dakong alas-11 ng gabi nang maganap ang panghoholdap sa kahabaan ng Quirino Avenue, Novaliches, ng naturang lungsod.

Sa salaysay ni Ba­silio, sinundo niya sa trabaho ang kasintahan at sumakay ng jeep upang ihatid na ito pa­uwi. Nagdeklara naman ng holdap ang tatlong suspek na armado ng patalim at baril na ka­sakay nila sa naturang jeep.

Sinasabing tumang­gi umano si Rapada na ibigay ang kanyang bag sa isa sa mga suspek kaya agad na pinagsa­saksak ang babae. Ti­nangka namang tumu­long ni Basilio ngunit maging siya ay sinak­sak rin ng holdaper.

Sa kaguluhan, na­hu­log pa ng jeep ang magkasintahan. Ha­bang papatakas, isa pa sa mga suspek ang kumalabit sa dala nitong baril ngunit ma­suwerteng hindi ito pu­mutok kaya nakaligtas pa sa kamatayan si Basilio.

Natangay ng mga suspek ang Nokia N70 cellphone ni Basilio at halagang aabot sa P15,000.

Inihahanda ngayon ng pulisya ang carto­graphic sketch sa mga suspek base sa pagla­la­rawan ni Basilio upang mailunsad na ang man­hunt laban sa mga ito.