Sexy cop sa internet sisibakin

Nakatakdang parusahan ng National Police Commis­sion ang isang 30-anyos na policewoman na nakatalaga mismo sa tanggapan ni Philippine National Police Chief Director General Oscar Calderon at sina­sabing nagpakalat ng kan­yang malalaswang larawan sa internet.

Ito ay matapos na posi­tibong kilalanin ng Na­polcom at isalang sa im­bestigasyon ang nasabing policewoman na hindi muna ipinapabanggit ang pa­ngalan na may ranggong PO2 at tauhan mismo ni Calderon sa tanggapan nito.

Sa panayam naman ng PSN kay Napolcom Com­mis­sioner Bernardo Calibo, kinumpirma nito na hawak na ng kanyang tanggapan ang folder ng nasabing policewoman at nakatakda na itong isalang sa ma­su­sing imbestigasyon upang bigyan ng pagkakataong makapagbigay ng sarili nitong  panig.

“Dapat siyang tanggalin. Paano mo igagalang ang gan­yang babaeng pulis? Isa rin itong sampal kay Cal­deron,” pahayag ni Calibo.

Bukod sa nasabing policewoman ay nakatakda ring ipatawag ng Napolcom si Gng. Corazon Santos ng Cainta, Rizal na ina ng siyam na taong gulang na batang babaeng kabilang sa unang mga nakakita sa mga malalaswang larawan ng nasabing pulis sa Friendster, isang kilalang site sa internet.

Sinabi pa ng  Napolcom na isang conduct unbe­coming of an officer ang nilabag ng nasabing police­woman at isa itong grave offense dahilan upang ma­patawan ng summary dis­missal o tuluyang pagka­katanggal sa trabaho ang huli.

Nabatid na isa sa mga ipinakalat na larawan ng nasabing policewoman ay ang nakasuot lamang siya ng pulang bra sa itaas na bahagi ng katawan nito.

Nag-ugat ang pagkaka­diskubre sa malalaswang larawan ng nasabing police­woman makaraang mag­bukas ng Friendster ang nasabing anak ni Gng. Santos para makipag-komunikasyon sana sa pinsan nito at dito bumulaga ang malalaswang larawan ng una na kalaunan ay natukoy na isang miyembro pala ito ng PNP at tauhan pa man din ni  Calderon.