2 carjackers todas sa shootout

Dalawang  hinihinalang carjackers ang bumulagta nang makipagpalitan ng putok sa mga awtoridad kahapon ng madaling-araw sa Quezon City.

Isa pa lamang sa mga suspect  ang nakilala batay sa nakuhang police clear­ance sa katawan nito na si Danilo Enriquez, residente ng Sumapang Matanda, Malolos City, Bulacan.

Ang isa pang hindi na­kilalang kasama nito ay nakasuot ng pulang polo shirt, maong na pantalon at itim na tsinelas.

Batay sa ulat ng Quezon City Police District, dakong ala-1:20 ng madaling-araw nang maispatan ng mga awtoridad ang kulay gold na Mitsubishi Adventure na walang plaka sa Common­wealth Avenue.

Na­batid na nagsa­sa­ga­wa noon ng sur­veillance opera­tion  ang mga awto­ridad ka­ugnay sa luma­lalang kaso ng robbery hold-up  sa na­turang lugar nang maispa­tan ang sa­sakyan sa hara­pan ng UP Atomic Center.

Nang parahin ng mga awtoridad ang sasakyan upang sitahin ay ma­bilis itong pinasibad ng mga suspek kasabay ng pag­papaputok sa  mga pulis.

Napilitan namang gu­manti ng putok ang mga awtoridad hanggang sa tumimbuwang ang mga hinihinalang carjackers.

Narekober sa lugar ang isang kalibre 38 at kalibre 45 at mga empty shell ng M16 rifle, habang sa loob naman ng van  ay iba’t ibang plaka ng sasakyan.