Inihayag kahapon ni Quezon City Mayor Feliciano Belmonte na patataasin niya ang bilang ng mga city scholars nang 20,000 hanggang taong 2010 upang matulungan ang mga mahihirap na high school graduates na makapagtapos ng pag-aaral sa college at tuloy magamit nila ito sa pagpapabuti ng kanilang kabuhayan sa hinaharap.
Sa kasalukuyan, ang pamahalaang-lunsod ay may 12,000 scholars ngayong school year 2007- 2008 at may 3,000 bagong mga iskolars.
Ang benepisyaryo ng city’s scholarship and youth development program ng lunsod ay may financial grant na P4,000 para sa tuition fee at P1,000 stipend.
Ang isang aspiring beneficiary ay kailangang graduate ng alinmang public school at residente sa Quezon City at may school average na 85 percent o mas mataas pa. (Angie dela Cruz)