Declining soil, water quality worries scientists

Namumutakti pa rin ng mga campaign pos­ters sa mga panguna­hing lansangan sa Metro Manila kahit pa man hindi na makagu­lapay sa pagli­linis at pag­kuskos sa mga ito ang mga tauhan ng Metro­politan Manila Development Autho­rity (MMDA).

Kahapon ay inamin ni MMDA chairman Ba­yani Fernando na bigo sila sa kanilang unang inilatag na “3 days ulti­matum” para linisin ang mga kalat at basura na dulot ng kata­tapos la­mang na halalan.

Nabatid na baga­ma’t may limang araw na ang nakaraan ma­tapos ang May 14 na­tional elections ay hindi pa rin matatawag na “poster free” parti­kular na ang mga ter­tiary at secondary route ng Metro Manila.

Bunga nito ay humi­ngi na ng ayuda si Fer­nando sa mga opisyal ng lokal na pamahalaan na paki­lusin na rin pati ang ba­rangay level  para tumu­long sa pagli­linis parti­kular na sa mga eskuwe­lahan na kina­sa­­sakupan ng mga ito para mapadali ang  pag­baklas ng mga streamers, ban­deritas at posters ng mga kan­didato.

Humingi naman ng paumanhin sa publiko ang MMDA kasabay ng paghingi ng nasabing ahensiya ng dalawa pang araw na palugit para makamit ang tar­ get nilang “poster free” na mga lansangan at mga esku­welahan ng Ka­may­nilaan.

Nakatakda na rin umanong ilabas ni  Fer­nando ang listahan ng mga kandidato na mga “pasaway”.