Rep. Biazon wagi sa Munti

Lamang na lamang sa ginaganap na bilangan sa katatapos na election si Caloocan City incumbent Mayor Enrico “Recom” Echi­verri laban sa kanyang mga katunggali sa pagka-alkalde ng lungsod.  Base sa nakalap na impormasyon, nakakuha si Echiverri ng 60% habang ang natitirang 40% ay pinaghatian naman ng kanyang mga kalaban na sina Luis “Baby” Asistio, kapatid nitong si Macario “Boy” Asistio, Jr. at Reynaldo Malonzo. Ayon sa mga political analyst, ang “overwhelming” na pag­tang­gap kay Echiverri ng mga botante ay base na rin sa ipinakitang magandang serbisyo nito kaya’t muling pinagkatiwalaan ng mga taga-Caloocan.  Samantala, nagpasalamat naman si Recom sa mga residente ng lungsod dahil sa ipinakitang pagsuporta nito sa kanyang kandi­datura at sa muling pagbibigay ng tiwala sa kanyang kakaya­han na makapagsilbi sa mamamayan ng Caloocan.  Kaugnay nito, lumalamang din ang mga kapartido ni Echiverri sa Lakas-NUCD kaya’t naniniwala ang mga residente na posibleng manalo ang mga kapanalig ng alkalde na siyang magiging ka­tuwang nito sa pagpapaganda ng lungsod.