Sonia Roco, 18 pa na-trap sa elevator

Nakulong ng may isang oras sa loob ng elevator ng isang gusali sa Makati City si GO senatorial bet Sonia Roco kasama ang may 18 iba pa, kahapon.

Nabatid na sumakay ng elevator si Roco kasama ang kanyang mga staff at iba pa dakong 12:50 ng tanghali para magsagawa ng press conference sa GO campaign headquarters na nasa ikatlong palapag ng Manila Bank building sa Ayala Ave. nang biglang magloko ang elevator A ng Manila Bank kung saan nakasakay sina Roco. Nakalabas sila bandang 1:45 na ng hapon.

Si Sonia na biyuda ng yumaong Sen. Raul Roco ay isa sa mga survivor ng July 1990 killer earthquake na nagpaguho sa Hyatt Hotel sa Baguio City.

Noong Setyembre 2006 ay na-trap na rin si Sen. Franklin Drilon at ang mga security escorts nito sa elevator ng gusali ng Senado sa Pasay City. (Joy Cantos)