Pinoys aabot sa 90 milyon

Tinataya ng National Census Statistics Office na baka umabot na sa mahigit 90 milyon ang bilang ng mamamayan sa buong Pilipinas sa susunod na taon. Gayunman, sinabi kahapon ni NSO Administrator Carmelita Ericta na uumpisahan nila sa Agosto ng taong ito ang pagtukoy sa eksaktong bilang ng mga Pilipino sa kasalukuyan.

Sinabi ni Ericta na ang census noong May 2000 ang nananatiling pinagbabasihan ng sinasabing 76.5 milyong bilang ngayon ng mga Pilipino. Tinataya nga ng NSO na, sa taong 2007, aabot sa 88.7 milyon ang populasyon ng mga Pilipino sa bansa. (Rose Tamayo-Tesoro)