Bangkay ng bebot, ibinaon sa basura

Natagpuan sa isang tambak na basura ang bangkay ng isang magandang babae matapos itong pagsasaksakin sa mukha at sakalin ng hindi pa nakikilalang suspect kahapon ng umaga sa Quezon City.

Habang sinusulat ang balitang ito, inaalam pa ng pulisya ang pangalan ng biktima, na tinatayang nasa 18- 20-anyos, may limang talampakan ang taas, may magandang kutis at magandang mukha.

Sa inisyal na imbestigasyon ng pulisya, dakong alas-8:05 ng umaga nang matagpuan ang biktima sa may creek at isang tambak ng basura, sa panulukan Segundo at General Martinez St., Heroes Hills, Brgy. Santa Cruz, Quezon City.

Kung saan isang street sweeper, na hindi nagpabanggit ng pangalan ang nakakita sa bangkay ng babae habang ito ay nagwawalis, dahilan upang ipagbigay alam nito sa mga awtoridad.

Sa ngayon ay iniimbestigahan pa ang nasabing kaso. (Lordeth Bonilla)