Kampanya vs TB pinagtibay ng DOH

Mas pinaigting ng Department of Health (DOH) ang kampanya laban sa sakit na tuberculosis (TB) bunsod ng panganib sa posibleng paglobo ng kaso nito sa bansa dahil na rin sa hindi sapat na pangangalaga sa naturang sakit.

Ayon kay Health Secretary Francisco Duque III, pinaghahandaan na nila ang mas malakas na kampanya kontra TB sa pamamagitan ng Directly-Observed Treatment Short-Course (DOTS) kaya hindi na umano nila hihintayin pang umabot ang kaso sa multi-drug assistant (MDR).

Kailangan din umano nilang ipaunawa sa mga pasyente na kailangan nilang uminom ng gamot nang tuluy-tuloy at walang mintis dahil ito umano ang isa sa mabisang paraan upang labanan ang TB.

Upang malabanan umano ang TB lalo na ang MDR-TB, kailangang mahigpit na ipatupad ng bansa ang DOTS strategy at siguruhing ginagawa ito ng pasyente.

Base pa sa mga eksperto, ang MDR-TB patients ay maaaring gamutin sa ilalim ng DOTS Plus Project gamit ang second line anti-TB drugs na binubuo ng 4 hanggang 5 gamot mula 18 hanggang 24 buwan at min san ay humahaba pa hanggang 32 months na tulad ng DOTS ay maaaring ibigay nang libre. (Gemma Amargo-Garcia)