Init sa inuman, 1 todas

Patay ang isang 34-anyos na aircon technician nang hatawin ng bote ng kanyang kainuman kahapon ng madaling-araw sa Sta. Cruz, Maynila. Wala nang buhay nang maipasok sa Jose Reyes Memorial Medical Center ang biktimang si Joseph Darwin ng Interior St., Area D Barangay East 178 Camarin 2, Calaocan City sanhi ng palo ng bote sa ulo. Pinaghahanap naman ng pulisya ang suspek na nakilala lamang sa pangalang "Mart" na tumakas matapos ang insidente.

Ayon sa pulisya, nagkaroon ng mainitang pagtatalo habang nag-iinuman sina Darwin at Mart hanggang sa mapikon ang huli at hinataw nito ng bote ang una hanggang sa mapatay ito. (Doris Franche)