Nanuhol sa 2 piskal kinasuhan

Nahaharap ngayon sa kasong kriminal sa Manila Prosecutors Office ang lalaking nagtangkang manuhol umano ng dalawang prosecutor ng Department of Justice na humahawak sa kaso ni dating Batangas Gov. Jose Antonio Leviste kamakailan.

Ayon kina Senior State Prosecutor Emmanuel Velasco at State Prosecutor Diosdado Solidum Jr., kinasuhan na nila si Jonathan Tiongco ng kasong corruption of public officials at obstruction of justice matapos nitong alukin ng umano’y "goodwill" money ang dalawang prosecutor kapalit ng pagpapababa ng kaso ni Leviste noong March 13. (Doris M. Franche)