Mister grinipuhan ng makulit na lasing

Nasa kritikal na kalagayan habang ginagamot sa Tondo General Hospi- tal si Mario Vargas, 45, ng Potrero, Malabon City makaraang undayan ng saksak ng isang makulit na lasing na nakilala lang sa alyas na Butchoy sa isang inuman sa nasabing lunsod kamakalawa ng gabi.

Lumilitaw sa imbestigasyon ng pulisya na, habang nakikipag-inuman si Vargas sa kanyang mga kaibigan, biglang sumulpot si Butchoy na lango na rin sa alak at nagsimulang mangulit sa kanyang mga kasamahan. Pinagtanggol ni Vargas ang kanyang mga kainuman at sinaway ang suspek pero nagalit lang ito, kumuha ng patalim at inundayan ng saksak ang biktima. (Lordeth Bonilla)