Tinedyer napagtripang patayin

Napaslang ang isang 17-anyos na binatilyo matapos na mapagtripang pagbabarilin ng isang grupo ng kalalakihang sakay ng kotse sa tapat ng tindahan ng tubig sa Tondo, Manila kahapon ng madaling-araw.

Kinilala ng pulisya ang biktimang si Edward Martin, walang hanapbuhay, at residente ng #102 Mata St., Capulong, Tondo.

Base sa ulat ng pulisya, naitala ang insidente dakong alas-3:15 ng madaling-araw sa tapat ng isang tindahan ng purified water sa #265-B Capulong St.

Naglalakad ang biktima nang hintuan ng isang kotse sakay ang mga di-kilalang lalaki na pinaniniwalaang lango sa droga

Isa sa mga ito ang bumaba at agad na pinaputukan ang biktima sanhi ng kamatayan nito.

May teorya ang pulisya na napagtripan ang biktima, subalit sinisilip ang anggulong gang war ang isa sa motibo ng krimen. (Danilo Garcia)