Kinukumpirma pa ng mga awtoridad kung ang pangalan nga ng nasawi ay ang nakasaad sa narekober ditong barangay clearance na Edwin Rodriguez, 23, ng Brgy. Bungad, Quezon City.
Sa ulat ng QCPD-Baler Station, naganap ang insidente dakong alas-2 ng madaling-araw sa Bulacan St., Brgy. Bungad ng naturang lungsod.
Napag-alaman na nakitang palakad-lakad at may kahina-hinalang kilos ang suspect na nang sitahin ng mga nagrorondang pulis sa bahagi ng Bulacan St. ay nagtatakbo ito habang pinapuputukan ang mga awtoridad. Gumanti naman nang pagpapaputok ang mga pulis na ikinatama sa suspect at naging dahilan ng agaran nitong kamatayan.
Nakuha sa suspect ang isang kalibre .22 na paltik na baril. Pinaniniwalaang labas-pasok ito sa piitan dahil na rin sa tadtad ng tattoo ang katawan. (Doris Franche)