Muntinlupa fire: 327 pamilya nawalan ng tirahan

Tinatayang aabot sa 327 pamilya ang inilikas at malamang na magdiwang ng Pasko sa ilang mga covered court at simbahan sa pitong oras na sunog na naganap sa Muntinlupa City kahapon ng madaling-araw.

Tinatayang aabot din sa P5 million halaga ng mga ari-arian ang naabo.

Ayon kay Fire Officer 2 Marlon Santos, ng Muntinlupa City Fire Department, nagsimulang kumalat ang apoy dakong alas-5 ng hapon sa bahay ng isang Danny Babansad, na matatagpuan sa Sitio Salvacion, Brgy. Tunasan ng nabanggit na lungsod.

Sa kabila na masusi pang iniimbestigahan ang pinagmulan nito, may ilang teyorya ang mga awtoridad na watusi o electrical faulty wiring ang posibleng dahilan ng sunog.

Pansamantalang inilikas ang mga biktima sa JPA covered court Jesus the Good Sheeperd at Planas Compound, na posibleng dito ang mga ito magdiwang ng araw ng Pasko.

Isang lolo na nakilalang si Ben Anthony Reyes, 57, ang nasugatan sa naganap na sunog. (Lordeth Bonilla)