2 sekyu ng abs-cbn, dedo sa motorsiklo

Dalawang security guard ng ABS-CBN ang namatay, habang isa pa ang sugatan matapos sumalpok ang kanilang sinasakyang motorsiklo sa concrete barrier sa Commonwealth Avenue kahapon ng madaling-araw sa Quezon City.

Dead-on-arrival sa East Avenue Medical Center sina George Mallorca 26; at Gilbert Sardoma, 29, samantalang inoobserbahan pa sa pagamutan si Renzy Gargarita, 27, pawang mga security guard ng Goldlink Security Agency at nakatalaga sa ABS-CBN network.

Ayon sa imbestigasyon ng Quezon City Traffic Sector 5, dakong alas-3 ng madaling-araw nang maganap ang aksidente sa Commonwealth Avenue  malapit sa St. Peter Church.

Galing sa isang birthday party ang tatlo at pabalik na sa ABS-CBN compound nang maganap ang aksidente at bumangga sa concrete barrier ng Metropolitan Manila Development Authority ang kanilang motorsiklong Honda XRM na may plakang NO-814.

Lumilitaw sa imbestigasyon ng pulisya na pawang nakainom ng alak ang tatlo nang maganap ang aksidente. (Doris Franche)