Operasyon sa Pasay City hall naparalisa dahil sa sunog

Paralisado ang operasyon sa mga korte sa Pasay City Hall Office matapos tupukin ng apoy ang Branch 45, Pasay City Regional Trial Court (RTC), kahapon sa nabanggit na lungsod.

Dakong alas 12:20 ng tanghali ng magsimulang kumalat ang apoy sa sala ni Judge Vivencio Culosito, sa ikatlong palapag ng Hall of Justice ng Pasay City, na matatagpuan sa FB Harisson St., ng nabanggit na lungsod.

Umabot sa 3rd alarm ang naturang insidente, kung saan ayon sa Pasay City Department, sa kanilang inisyal na imbestigasyon posibleng faulty electrical wiring ang dahilan ng pagkalat ng apoy.

Idineklarang kontrolado na ang sitwasyon dakong ala-1:00 ng hapon. (Lordeth Bonilla)