16-oras na pagkaantala ng tubig sa Quezon City

Ilang barangay sa Quezon City ang makararanas ng pagkaantala ng supply ng tubig sa loob ng 16-oras, mula alas-11 ng gabi ngayong Linggo, Nob. 12, 2006 hanggang alas-3 ng hapon kinabukasan, Lunes, Nobyembre 13, 2006.

Ang water service interruption ay magbibigay-daan sa emergency na pagkukumpuni ng tumatagas na 400mm ACP mainline sa kanto ng Del Monte Avenue at Ilaw St., San Francisco del Monte, Quezon City.

Ang maaapektuhan ng 16-oras na pagkaantala ng tubig ay ang Brgy. Paltok at Brgy. Paraiso sa Roosevelt, Q.C. Ang proyektong ito ay naglalayong lalong mapabuti ang serbisyo ng Maynilad sa mga nasabing lugar. Pinapayuhan ang mga apektadong consumer na mag-ipon ng tubig na tatagal ng 16-oras.

Maaari ring tumawag sa Maynilad Water Hotline 1626 o 4362000 o mag-text sa SMART 7001626 para sa water-rationing schedule.