Tatlong saksak sa katawan ang ikinamatay ng biktimang si Diana Divina, 21, ng no. 40 19th Avenue, Murphy, Cubao, Quezon City.
Sa ulat ni PO2 Leo Nino Pasco ng QCPD-CID, naganap ang insidente dakong alas 11 ng gabi sa panulukan ng Boni Serrano Ave. at Murphy, Cubao.
Naglalakad pauwi ang biktima nang biglang harangin ng dalawang suspect na sakay ng isang motorsiklo at saka tinutukan ang biktima kasabay ng pagkuha sa bag nito.
Subalit nanlaban ang biktima na nagbunsod upang undayan ito ng saksak ng mga suspect at saka mabilis na tumakas.
Nagsasagawa naman ng follow-up operation at pagpapatrulya ang pulisya upang masakote ang mga suspect na madalas na nambibiktima sa lugar. (Doris Franche)