1-M reward para sa mga killer ng 2 trader

Nagpalabas ng P1 milyong halaga bilang pabuya ang pamilya ng dalawang trader na tinambangan at pinaslang kamakailan sa Parañaque City para sa ikaaaresto sa mastermind at mga killer ng huli. Inilalapit na sa Department of Justice (DOJ) ng abogado at pamilya ng mga biktimang sina Danilo Elfa at Victorio delos Reyes na mapasailalim sa witness protection ang sinumang makakapagturo sa mga killer ng mga nabanggit na biktima. Magugunita na tinambangan ang mga nabanggit na biktima ng tatlong armadong kalalakihan noong April 5, 2006 habang sakay ang mga ito ng isang Van matapos na dumalo sa isang paglilitis sa Parañaque RTC sa kasong isinampa laban sa kanila ng dati nilang abogado na malapit din na kamag-anak ni Elfa. (Lordeth Bonilla)