Mini shabu lab, nadiskubre

Isa na namang hinihinalang shabu laboratory ang aksidenteng nadiskubre sa Brgy. Vitales sa lungsod na naman ng Parañaque kahapon.

Nabatid na magsasagawa lamang ng inspection ang mga tauhan ng pulisya at ng Permit and Licensing Division sa Aqua Marine Shop na matatagpuan sa Santan Road sa Brgy. Vitales nang madiskubre ang mini shabu lab.

Nabatid na ang nabanggit na shop ay imbakan ng mga isda at iba pang uri ng pagkaing lamang dagat.

Habang nagsasagawa ng inspeksyon ay napansin sa likuran ang mini laboratory na doon nakita ang mga kemikal na hinihinalang ginagamit na sangkap sa paggawa ng shabu. (Lordeth Bonilla)