Compromise agreement giit sa 2006 budget

Tinutulan ni Senate Minority Leader Aquilino Pimentel, Jr. ang panukala ni Budget Secretary Rolando Andaya na i-adopt na lamang ng Senado ang inaprubahang P1.053 trilyong budget para sa 2006 na walang bawas upang mabura ang deadlock ng Senado at Kamara.

Sinabi ni Sen. Pimentel, hindi ito ang nakikitang sagot upang maaprubahan ang 2006 budget kundi dapat ay magkaroon ng rasonableng compromise agreement ang kinatawan ng Kamara at Senado sa bicam kaugnay sa mga panukalang budget cuts.

Aniya, ang pagkabigong magkaroon ng 20006 budget ay malaking epekto sa DepEd, DSWD, DOST at DAR na talagang kailangan ang karagdagang pondo.

Naniniwala si Pimentel na malulutas ang deadlock kung hindi makikialam ang Malacañang at pababayaan na lamang ang bicameral conference committee na magkaroon ng compromise para sa mga dapat bawasan ng pondo sa mga ahensiya ng pamahalaan. (Rudy Andal)