Kinilala ang nasawi na si Eliseo dela Merced, 54, residente ng #129 Almeda St., Tondo, habang kasalukuyan pang ginagamot sa Jose Reyes Memorial Medical Center si Roberto Senares, 24, ng Camarines St., Tondo.
Pinaghahanap naman ngayon ang dalawang suspect na nakilala lamang sa mga alyas na "Balanding" at "Pidoy".
Batay sa ulat ng pulisya, dakong alas-11:30 ng gabi nang mangyari ang insidente sa may panulukan ng F. Yuseco at Riverside, Tondo, Manila.
Kasalukuyan umanong naglalaro ng pool ang nabanggit na mga biktima nang dumating ang mga suspect at ginulo ang laro ng mga una.
Dahil dito ay nagkaroon ng rambulan na nauwi sa pananaksak ng mga suspect sa mga nabanggit na biktima.
Habang kapwa duguang humandusay ang mga biktima ay mabilis namang tumakas ang mga suspect dala ang mga ginamit na patalim. (Danilo Garcia)